Härzlich Willkommä

D'Landjugend Muotathal-Illgau hed Mitglieder fu nah und fern, ungfähr 35 aktivi Landjügälär.
Pro Jahr wärdid öpä 15 Vereinsaläss organisiärt, wo vor allum zgmüätlich binänand sii im Vordergrund stad.
Ds Spektrum vodä Aläss gad vo Minigolf spielä, zu Filmabig, Jassä, Brätlä, Pizza bachä, Go-Kart fahrä bis Schlittlä und Gmeindschaft z gniesse.
Drzuä stönd nu ä huufä kantonali und nationali Aläss und Kürs ufum Programm. Abere au Gruppä-Aläss fu andere Landjugendä wo mer alli mit ähnand cha bsuchä.

Für Abwächslig isch aso gsorgt!

Uf üsärä Homepage chasch du öpis über d'Landjugend Muotathal-Illgau gseh und erfahrä. Wänn Dich üsä Verein aspricht, mäld dich doch eisch bei eim vom Vorstand (Vorstandslischtä) oder luäg ufum Programm das gfintsch uf üsere Homepage oder au im Instagram, wänn das dr nächscht Alass isch und chum eifach mit!

Nüi Mitglieder sind bi üs immer härzlich Wilkommä!

Miär wüschid viel Vergnüägä uf üsärä Homepage!

Am Tännfäscht muässmä hald mängisch ächli kreativ sii zum z Grillzält abrumä. ^^

                                 Was hend ächt diä gse??

Vorschläg für d'Gestaltig vodr Homepage oder wüsch für's nüä Programm sind immer willkommä! Ideä chöndr is Gäschtebuäch inä schriebä oder au per Instagram meldä. Wer nüd äh sölles wet söll doch eifach äs Vorstandsmittglied aschriebe. 

Unter dem Link gfindidr nu dr Eventkalender vo dä Gmeindä Muotathal und Illgau.  😎
Da chönidr ächi go umä nasnä:

www.eventkalender-muotathal-illgau.ch