Härzlech Wöukomme bi de Landjugend Henderland

"Chom doch ou zo üs"

Mer fröied üs sehr öber jongi, motivierti Lüt.

Metenand möche mer cooli Usflög ond gniessid Verastautige wo vom Vorstand organisiert wärde. Egau öb du gärn Sport machsch, spelerisch taläntiert besch oder ou wenns gärn gmüetlech hesch, üses Programm hed för alli öpis debi. Wenn mer zämme onderwägs send gots loschtig zue ond här drom hemmer emmer weder e Grond zom Lache. 
Es ged ou Aläss wo Schwiizerisch oder sogar International usgfühert wärde. Dör das cha mer nöii Lüt könne lehre ond de eint oder ander Kontakt chnöpfe.

Du darfsch dech gärn bi üs mäude ond dech bimene Alass säuber vom Verein öberzüge.

Mer fröied üs sehr öber e Nochrecht vo der.

De Presidänt Kevin Niederberger esch erreichbar onder 079 316 11 85.

Nöchschte Schnopperanlass (Jede esch Wöukomme)

Was:              Spaghettiplousch met Speliobe

Wenn:           Freitag, 3. Mai. 2024, 19:30 Uhr

Wo:                Barenhüsli, 6154 Hofstatt

Metnäh:        Hunger, Durst ond gueti Lune

Anmelden:    schrib doch kurz es Whatsapp, das mer ou de gnueg Spaghetti hend (079 634 43 88)

Bi söschtige Froge darfsch di gärn bim Kevin Niederberger onder (079 316 11 85) mäude.