Am erschte Abig sind alli choo und hend en lange Wäg uf sich gnoo.
Für s’Gepäck hemmer de Lift no dörfe neh und alli wiitere Täg hemmer üs müsse uf de Stäge beneh.
Für s’Gepäck hemmer de Lift no dörfe neh und alli wiitere Täg hemmer üs müsse uf de Stäge beneh.
Nachemene Schwanz, äh Schwatz simer in erschte z’Nacht agange d’Lasagne isch sicher allne guet abegange.
En guete Kaffeeunkel hemmer gha gäl André, du hesch eus ja nie im Stich gla.
Nach es paar «Schlückli» Honigchrüter Wird’s ganz plötzlich ide Kaffistube chle lüter.
Nach es paar lüpfige Tänzli isch d’Stimmig ufchoo Da hed me gern nu es Glesli Wiise gnoo.
Am Dunstig hed de Pfarrer Tanner über die 10 Gebot referiert aber mir hend debii gar nit mit Wüsse briliert.
Die 10 Gebot het er üs guet mitteilt somit isch üsi Wüsseslücke wieder gheilt.
Nachem feine z’Nacht simer mid de Fackle loszoge ufem Weg hämmer dä es Glüäwili nu gäre inezoge.
Uf de höchi hemmer guet abegseh und das schöne Dörfli het agregt nach mee.
Gern simmer wieder id Mariaburg cho und hend sicher käs warms Kafi la stoh.
Mit em 5-liber Chlopfä hemmer üs lang chönä unterhaltä obwohl de Batze am Schluss niemert hed chönä bhaltä.
Nachere churze Nacht isch’s am Fritig wiiter gangä und hend müässä luege das mer nid bi de Polizi blibet hangä.
Polizihünd hemer dörfe gseh und öper hets müässe gspürä mit der Ziit hemmer de afig afo frührä.
Au d’Uusnüechtrigszälle wird i üsere Erinerig blibe mer hoffid dases üs nie wird det hii tribe.
Anstatt mit de Poliziautos umerasse het euses Anneli döffe is Rörli blaase aazeigt hets aber erstunlicherwiis nüd, trotz dere rote Nase.
Mit Sugä und Blasä hends afa probierä jetzt sind’s Expertä und chönds grad gu demonstrierä.
Vill hend duä kei Schlaf verwütscht und de Joe isch schier vom Stüehli abegrütscht.
Ex-Jugoslawie het sich hüt be eus verbreitet trotz de Intressi hets doch der eint oder ander zum Schlaf verleitet.
Mit em Erlebtä höremer jetzt uf will dä hütig Abig dopplet sicher numal druf.
Aber nid vergässe schnupfä, pfupfä rund um d’Uhr das isch ja üsi Rhineckkultur.
Morn wärdid nu vill Erinnerigsföteli gmacht und det trägid sicher alli wo hend ihri Tracht.
Adä SAKLJ wemer nu für alles dankä sägä denn üs isch viel adä Organisation gläge!
